Wakazi kuchanga Sh494 milioni kujenga shule

Jumla ya Sh494 milioni zinatarajiwa kukusanywa kwa ajili ya ujenzi wa sekondari ya Kata ya Picha ya Ndege Halmashauri ya Mji Kibaha mkoani Pwani,.
Wakazi wa Mtaa wa Mharakani wakiwamo Diwani wao, Robert Machumbe waliafiki kuchangia kiwango hicho.
Kiwango hicho cha fedha kinatarajiwa kukusanywa kutoka kaya 16,467 za kata hiyo, huku kila moja ikichanga Sh30,000 kila moja.
Machumbe amesema ujenzi wa sekondari hiyo unapaswa kupewe kipaumbele mbali na kuwapo changamoto zingine.
Mkazi wa eneo hilo, Godfrey Mwaipopo amesema ili kufanikisha ujenzi huo kwa wakati, ni vyema ikawekwa mikakati itakayowabana baadhi ya wazazi watakaokwepa kuchangia.

Read More

Wanafunzi 18 wanasa mimba ndani ya miezi miwili

Kaimu Mkurugenzi wa Manispaa ya Dodoma, Hidaya Maeda amesema takwimu za miezi miwili ya mwaka huu zinaonyesha kwamba wanafunzi 18 wa sekondari wamepata mimba.
Idadi hiyo ni kubwa na inaonyesha tatizo la wanafunzi kupata ujauzito wilayani humo limeendelea kuongezeka ikilinganishwa na mwaka uliopita.
Kwa mujibu wa mkurugenzi huyo, mwaka jana wanafunzi 62 walipata mimba, kati yao sita wakiwa ni wa shule za msingi na 56 walikuwa wakisoma sekondari.
Mkuu wa wilaya ya Dodoma, Mjini Christina Mndeme amesema vita ya mimba za mashuleni ni ngumu na inahitaji kupingwa na watu wote ikiwamo wazazi, walimu, wanafunzi na jamii yote bila kujali kama ni wazazi au siyo wazazi.
Mndeme amesema hayo wakati akizindua kampeni ya “Niache Nisome, Magauni Manne” inayolenga kumsaidia mtoto wa kike kumaliza masomo na kufikia ndoto yake.
Kampeni hiyo inatambulisha Magauni Manne kuwa ni sare ya shule, joho la mahafali ya chuo, gauni la harusi wakati gauni la nne ni lile analiovaa mwanamke wakiwa mjamzito, ambavyo alisema wasichana wakienda kwa mtiririko huo watakuwa wamefikia ndoto zao.
“Wakati mwingine mapambano yetu yanakwamishwa na baadhi ya wazazi ambao huwafundisha watoto wao wasikubali kuwataja waliowapa ujauzito, wanawakana lakini kumbe wazazi wanakuwa wamemalizana wao kwa wao jambo ambalo halikubariki hata kidogo,” amesema Mndeme.

Read More

Walimu kukaa meza moja na serikali machi 16

Rais wa CWT, Gratian Mukoba
Dar es Salaam. Siku moja baada ya walimu kuanza mgogoro na Serikali, Chama cha Walimu Tanzania (CWT) kimepokea wito wa viongozi wake kukutana na Serikali Machi 16 kuzungumzia madai hayo.
Walimu walianza mgogoro wa kutokuelewana na Serikali wakishinikiza kulipwa madai yao yanayofikia takriban Sh800 bilioni.
Februari 7, CWT ilitoa siku 21 kwa Serikali kulipa madai ya walimu vinginevyo ingeanzisha mgogoro bila kutoa notisi nyingine.
Akizungumza jana, Rais wa CWT, Gratian Mukoba alisema wamepata wito juzi wa kukutana na Serikali Machi 16 mjini Dodoma.
‘‘Licha ya wito huo, tunaendelea na mgogoro ulioanza leo (jana) hadi tutakapolipwa madai yetu, tutakapokutana na Serikali kama tutalipwa tutaacha, tusipolipwa tutaendelea nao,’ ’alisema Mukoba na kuongeza:
‘‘Tunaweza kutangaza kufanya maandamano kuuelezea ulimwengu kuhusu madai yetu, au tukaamua kukaa bila kufanya kazi.’’
Aliwataka walimu kuendelea na kazi hadi watakapotangaziwa hatua nyingine za kuchukua.
Mgogoro huo umeungwa mkono na Shirikisho la Vyama vya Wafanyakazi Tanzania (Tucta), ambalo limekitaka chama hicho kuendelea na mchakato wa kudai haki za walimu.
Rais wa shirikisho hilo, Tumaini Nyamhokwa alisema juzi kuwa Serikali imekuwa haitoi matumaini kwa walimu.
Madai ya walimu
Mukoba alisema walimu wanadai zaidi ya Sh300 bilioni, ambazo ni kwa ajili ya kuwalipa stahiki zao na kupandishwa madaraja.
Alisema walimu 80,000 waliopandishwa madaraja kati ya Januari na Aprili mwaka 2016, hawajarekebishiwa mishahara yao.
Madai mengine ni Sh480 bilioni za walimu wastaafu 6,044, wanaodai fedha zao tangu mwaka 2012.
Pia, kuna walimu 39,000 walio paswa kupandishwa madaraja mwaka huu wa fedha kuanzia Julai 2016 lakini hawajapandishwa hadi sasa.
Tayari, Naibu Waziri wa Nchi, Ofisi ya Rais (Tamisemi), Seleman Jafo amenukuliwa akisema uhakiki wa deni la Sh10 bilioni umekamilika hivyo wanaendelea na mchakato wa ulipaji.

Read More

Zaidi ya wanafunzi 7,000 kufutiwa udahili vyuo vikuu

TUME ya Vyuo Vikuu Tanzania (TCU) imebainisha jumla ya vyuo 52 vyenye wanafunzi zaidi ya 7,936, ambao wamedahiliwa katika programu ambazo hawana sifa.
Taarifa iliyotolewa kwa umma na Katibu Mtendaji wa TCU, imesema tume hiyo imekamilisha uhakiki wa sifa za wanafunzi wanaoendelea na masomo kwenye baadhi ya vyuo vya elimu ya juu nchini.
Aidha, taarifa hiyo imebainisha kuwa orodha ya wanafunzi wasio na sifa imeshawasilishwa kwenye vyuo husika.
“Hivyo wanafunzi wote wanaoendelea na masomo kwenye vyuo vya elimu ya juu nchini wanaweza kutazama matokeo ya uhakiki wao kupitia tovuti ya tume,” ilisema taarifa hiyo kupitia tovuti ya tume hiyo.
Kwa mujibu wa taarifa hiyo ya TCU, wanafunzi wote waliobainika kukosa sifa hizo, wawasiliane na vyuo vyao ili kuthibitisha sifa zao kabla ya Februari 28, mwaka huu.
“Kwa wanafunzi ambao hawatahakiki taarifa zao vyuoni mwao, hawatatambuliwa na TCU na hivyo kukosa sifa za uanafunzi,” ilifafanua taarifa hiyo. Katika tovuti hiyo, jumla ya vyuo vikuu 52 vilihakikiwa ambapo zaidi ya wanafunzi 7,936 walibainika kudahiliwa katika programu ambazo hawana sifa nazo.
Vyuo hivyo ni Chuo Kikuu cha Mtakatifu Agustino (AJUCO) wanafunzi 27, Chuo Kikuu cha Afya na Sayansi Shirikishi Muhimbili (MUHAS) 96, Chuo Kikuu cha Dar es Salaam (UDSM) 224, Chuo Kikuu cha Dodoma (UDOM) 52, Chuo Kikuu cha Tumaini Makumira Kampasi ya Dar es Salaam 74, Chuo Kikuu cha Sokoine cha Kilimo (SUA)164.
Vyuo vingine ni Chuo Kikuu cha Askofu Mkuu Mihayo Tabora (AMUCTA) 33, Chuo Kikuu cha Ardhi (ARU) 23, Chuo Kikuu cha Waislamu cha Morogoro (MUM) 162, Chuo Kikuu cha Sayansi na Teknolojia Mbeya (Must)11, Chuo Kikuu cha Mzumbe 639 na Chuo cha Taifa cha Usafirishaji (NIT) 44.
Vingine ni Chuo Kikuu cha Ruaha (RUCU) 115, Chuo Kikuu cha Mtakatifu Augustine (SAUT) 1,046, Chuo cha SAUT Arusha mmoja, Chuo Kikuu cha Kumbukumbu ya Sebastian Kolowa (SEKOMU) 150, chuo cha Udaktari cha St Francis Ifakara(SFUCHAS)76 na College of Management and Commerce (SJUCMC) mmoja.
Aidha, vyuo vingine ni Chuo Kikuu Kishiriki cha Kumbukumbu ya Stefano Moshi (SMMUCo) 15, Chuo Kikuu cha St John’s Tanzani (SJUT) 968, Chuo cha St Marks 129 na Chuo cha Udhibiti na Usimamizi wa Wanyamapori (CAWM) wanafunzi sita.
Katika tovuti hiyo pia vyuo vingine vilivyohakikiwa na kubainika kuwepo kwa wanafunzi hao ni Chuo Kikuu cha SUMAIT 552 na Chuo cha Elimu ya Biashara (CBE) Dodoma 375 na CBE Mwanza 101, Chuo cha Maendeleo ya Jamii (CDTI) 14 na Chuo cha Diplomasia (CFR) 14.
Vyuo vingine ni Chuo cha Bugando (CUHAS) wanafunzi 36, Chuo cha Teknolojia Dar es Salaam (DIT), Chuo cha Bahari (DMI) wanafunzi wanne, Chuo cha Takwimu Mashariki mwa Afrika (EAST C) 20, Chuo Kikuu cha Tanga Eckernforde (ETU) watatu na Chuo Kikuu cha Kumbukumbu cha Herbert Kairuki 12.
Aidha, wanafunzi wengine waliohakikiwa na kubainika kudahiliwa katika programu ambazo hawana sifa nazo walipatikana katika vyuo vya Chuo cha Uhasibu Arusha (IAA) wanafunzi 56, Chuo cha Usimamizi wa Fedha (IFM) 305, Chuo Kikuu cha Kimataifa cha Tiba na Teknolojia (IMTU) 149 na Chuo cha Ustawi wa Jamii (ISW) 116.
Vyuo vingine ni Chuo cha Kodi (ITA) wanafunzi sita, Chuo Kikuu Kishiriki cha Jordan (JUCO) 186, Kilimanjaro Christian University College (KCMUco) 55, Chuo Kikuu cha Kenyatta, Chuo Kikuu cha Ushirika Moshi (Muco) 62, Chuo cha Uongozi wa Fedha Zanzibar (ZIFA)(20) na Chuo Kikuu cha Bagamoyo wanafunzi 53.
Vingine ni Chuo cha Tumaini Makumira (TUMA) wanafunzi 208 waliokutwa hawana sifa katika programu wanazosomea, TUMA-Mbeya 11, Chuo Kikuu cha Iringa (UOI) 522, Chuo Kikuu Sumait 552, Chuo Kikuu cha Teofil Kisanji (TECU) Dar es Salaam watatu, Chuo Kikuu Kishiriki cha Stella Maris (STEMMUCO) 44 na Chuo cha Mipango wanafunzi 431.

Read More

Serikali na wadau kujadili ufaulu kidato 2

WIZARA ya Elimu, Sayansi,Teknolojia na Mafunzo ya Ufundi imesema itakutana na wadau mbalimbali wa elimu ili kujadili kuhusu pendekezo la kupandishwa kwa wastani wa ufaulu kidato cha pili kutoka wastani wa asilimia 30 uliopo sasa hadi asilimia 40.
Hayo yamesemwa na Kaimu Kamishna wa Elimu katika wizara hiyo, Nicholaus Burreta wakati alipofanya mazungumzo na gazeti hili.
Kauli ya Burreta imekuja baada ya Tume ya Kikristo ya Huduma za Jamii(CSSC) kueleza kwamba ili kuhakikisha kuwa kuna sera, sheria, viwango na miongozo ambayo inatengeneza mazingira mazuri ya kupanua na kuboresha utoaji wa elimu, itaanzisha mazungumzo na serikali ya kupandisha alama ya wastani ya ufaulu ya kidato cha pili kutoka silimia 30 hadi 40 ili kuboresha elimu.
Burreta alisema suala la kupandisha ufaulu sio la wizara pekee, bali ni lazima kushirikisha wadau mbalimbali ili kuona kama kwa hali hiyo ya sasa wanaweza kuongeza kiwango cha ufaulu au waendelee na kiwango kilichopo.
“Tunatakiwa tukae tutulie tushirikishe wadau kama hao waliosema wanataka tuzungumze ili tuone namna gani ya kutekeleza suala hili ni wazo zuri wametoa, lakini tukae tuone ni kwanini tuliweka kiwango kilichopo na tuone ni kwanini tufike mahali tubadilishe kiwango bila kuathiri mfumo wa elimu,” alieleza Burreta.
Alisema suala la taaluma ni suala linalotakiwa ushirikishwaji wa kutosha ili lisilete malalamiko na bila kuathiri ubora wa elimu unaotolewa nchini hivyo kwa kuwa wazo hili limetoka katika kundi moja watakaa na wadau wengine kuchukua mawazo yao kuhusu kwa nini wapandishe na baadaye watatoa taarifa kwa umma.

Read More

Babu wa Darasa la Kwanza Awashangaza Wengi

MARA: KIKONGWE Nyamohanga Suguta (75) wa Kitongoji cha Kibeyo, Kijiji cha Getenga Kata ya Mbogi wilayani Tarime mkoani hapa, ameshangaza watu wanaomzunguka katika kufuatia uamuzi wake wa kuanza darasa la kwanza mwaka huu katika Shule ya Msingi Makerero, Uwazi limezungumza naye. Mzee Suguta alisema kuwa, alifikia hatua hiyo baada ya kuwiwa na elimu muda mrefu kwa sababu alikomea darasa la pili mwaka 1950 katika Shule ya Msingi ya Nyamaranya nchini Kenya kutokana na kukumbwa na changamoto kadhaa. KWA NINI AMEAMUA KUREJEA DARASANI? “Sababu hasa iliyonifaya nirejee shule, ni baada ya kugundua muda wote nilipata hasara ya kurejesha chenji pale nilipowauzia ndizi za shambani kwangu wateja. Nimekuwa nikijikuta nawapa chenji zote bila kujua namna ya kukata mauzo yangu.” KUMBE ENEO LA SHULE ALILITOA YEYE Mzee Suguta pamoja na kuonesha mfano huo, familia yake ndiyo iliyotoa ardhi na kujengwa shule hiyo na kuwafanya wanafunzi kuwa karibu tofauti na awali walikuwa wakitembea umbali mrefu katika Shule ya Msingi ya Kitakutiti. “Kwanza wakati nahitaji kuanza shule nilishindwa baada ya kuona umbali uliopo, ndiyo maana mimi pamoja na ndugu zangu, Simon na Mwikabe tulitoa eneo la ardhi kulikojengwa shule hii ili kuwa karibu na nilianza chekechea mwaka jana, 2016 na mwalimu wangu aliyeniwezesha kufanya vyema katika mtihani wangu wa kuingia darasa la kwanza ni Margaret,” alisema denti huyo. MWALIMU WAKE WA DARASA LA AWALI Margaret Albinus ni mwalimu wake wa darasa la utayari ambapo alikuwa na haya: “Mzee huyo ana bidii sana, alianza kimchezomchezo, alihudhuria muda wote mwaka mzima na alipokosa kuja shule ni kwa sababu ya kupatwa na shida kubwa na aliomba ruhusa. “Alifanya vyema katika masomo yake, kusoma, kuandika na mahesabu na muda wote alitii. Ni msikivu hata pale nilipoagiza wanafunzi wenzake wafanye usafi wa mazingira naye alifanya. Nilimuonea huruma kufanya kazi hizo badala yake nilimpati ukiranja” MWALIMU MKUU SASA Naye mwalimu mkuu wa shule hiyo iliyofunguliwa mapema mwaka huu, Riziki Focus, alisema kuwa mzee huyo aliandikishwa katika mfumo usio rasmi. “Mzee Suguta ni mwanafunzi wa darasa la kwanza katika mfumo usio rasmi, yaani Memkwa na tunamchanganya na watoto wadogo kutokana na kutokuwepo kwa darasa la watu wazima. “Darasani yuko vizuri sana, ni msikivu na mtiifu, mwenye nidhamu sana maana mimi unayeniona hapa ni sawa na binti yake, lakini ananitii na kunipa heshima zote kama mwalimu wake mkuu wa shule,” alisema mwalimu Riziki. MWENYEKITI WA KITONGOJI ANAMZUNGUMZIAJE? Mwenyekiti wa Kitongoji cha Kibeyo, Meshack Jushuo ‘Chui’: “Mzee alichokifanya ni kizuri na ni mfano wa kuonesha kuwa, Elimu Haina Mwisho, wengine wanamcheka lakini pia ni kuiambia jamii na serikali kwa pamoja kwamba, watu wanaopenda kujiendeleza wapo na hata kwa njia ya Qualify Test (QT) na enzi za nyuma kulikuwa na Masomo ya Elimu kwa Njia ya Posta (Correspondence Adult Education), lakini leo hii wamerudi nyuma wakati Wakenya wenzentu wanasonga mbele.” Uwazi lilimshuhudia mzee huyo akitoka shuleni kurejea nyumbani kwake, akiwa ameongozana na wanafunzi wengine huku akiwahi kwa madai kwamba ana

Read More

SMZ yachachamaa matokeo mabovu mashuleni

Zanzibar. Serikali ya Mapinduzi Zanzibar imesema kuna tatizo katika usimamizi wa elimu visiwani humo kiasi cha kusababisha kuwapo kwa matokeo mabaya kila mara. Hayo yamesema na Makamu wa Pili wa Rais wa Zanzibar, Balozi Seif Ali Iddi alipokutana na viongozi wa shule na Wizara ya Elimu na Mafunzo ya Amali katika Wilaya ya Kaskazini ‘B’ Unguja. Balozi Idi amesema kamati za shule zina jukumu la kuondoa hali hiyo kwa kuwabana walimu kila wanafunzi wanapofanya vibaya ili waweze kupandisha kiwango cha ufaulu. Amesema, kamati hiyo zinatakiwa kuwaita walimu na kuwaweka ‘kitimoto’ waeleze sababu badala ya kuwaangalia wakati jahazi la elimu linaporomoka. Makamu huyo wa Rais wa Zanzibar amesema matokeo mabaya ya mitihani ya wanafunzi yanadhihirisha usimamizi mdogo wa walimu shuleni ikilinganishwa na miaka ya nyuma. Hata hivyo, Waziri wa Elimu, Riziki Pembe Juma amesema pamoja na kuwapo kwa mikakati mbalimbali ya kiserikali kuinua elimu, wazazi wana nafasi yao kufanikisha suala hilo na kwamba, walimu peke yao hawawezi kufanikisha. Riziki amewahamasisha wazazi na walezi kila mara wajitahidi kufuatilia mienendo ya watoto wao kuanzia shuleni hadi majumbani

Read More

Walimu watangaza kugoma mwezi ujao

CHAMA cha Walimu Tanzania (CWT), kimetangaza mgogoro na serikali endapo haitalipa madai yao zaidi ya Sh. bilioni 800 kabla ya Machi mosi, mwaka huu. Rais wa chama hicho, Gratian Mukoba, aliyasema hayo alipozungumza na waandishi wa habari jijini Dar es Salaam jana kuhusu maazimio ya Baraza la Taifa la CWT. “Ikiwa serikali haitatekeleza hoja zote zilizotolewa na CWT, tutatangaza mgogoro kati yetu na serikali kuanzia Machi mosi, mwaka huu bila ya notisi nyingine kutolewa,’’ alisema. Alisema Baraza la Taifa la CWT, linatarajia kuwa serikali itatumia mwezi wa pili kulipa madeni yote ya walimu na kutatua kero zao ili kuepuka mgogoro usio wa lazima kati yake ambaye ni mwajiri wao na walimu. Alisema (CWT) iko tayari kwa majadiliano na serikali juu ya mkakati wa kutekeleza matakwa hayo. Aidha, Mukoba alisema Baraza la Taifa lilikaa mwishoni mwa mwezi uliopita mkoani Morogoro kutaka kujua hatua zilizochukuliwa na serikali kutatua kero mbalimbali za walimu ikiwa ni pamoja na kulipa madeni yao. Alisema vilevile, Baraza la Taifa lilijulishwa kuwa takribani walimu 182,000 wamelipwa jumla ya Sh. bilioni 124 kuanzia mwaka wa fedha wa 2013/14 hadi Desemba, 2016. “Chama kinapongeza hatua hiyo iliyochukuliwa na serikali. Hata hivyo, kiasi kilicholipwa ni kidogo ukilinganisha na madeni halisi ya walimu,” alisema Mukoba. Alisema baada ya (CWT) kuchukua hatua hizo za kuhakikisha kuwa walimu wanalipwa madeni yao na serikali kulipa sehemu ndogo ya madai yao, Baraza la Taifa lilibaini kuwa madeni ya walimu yanazidi kukua kwa kasi kiasi kwamba hatua za haraka zisipochukuliwa, hayatalipika. Mukoba alitaja baadhi ya matatizo ya walimu yanayopaswa kutatuliwa na serikali ni pamoja na kulipa walimu 80,000 waliopandishwa madaraja kati ya Januari na Aprili, 2016 ambao hawajarekebishiwa mishahara yao na kulipwa mapunjo yao yaliyofikia takribani miezi 12. Alisema chama kinakadiria kuwa takribani Sh. bilioni 300 zinahitajika kuwalipa walimu stahili inayohusiana na kupandishwa madaraja, walimu 39,000 wanaopaswa kupandishwa madaraja katika mwaka wa fedha kuanzia Julai 2016. Alisema pia mkataba wa walimu na serikali unaelekeza kuwa ikiwa serikali haijaongeza mishahara kama ilivyofanya katika mwaka huu wa fedha, walimu wanapaswa kuwa na nyongeza ya mwaka kuanzia Julai mosi, mwaka jana, ambayo ni tarehe ya kuanza kwa mwaka huu wa fedha. Mukoba alisema madai yasiyohusiana na mishahara yaliyowasilishwa serikalini yanafikia Sh. bilioni 26.4 na bado hayajalipwa na walimu waliostahili kulipwa fedha za likizo hawakupewa. “Walimu wastaafu 6,044 hawajalipwa mafao yao ya kustaafu yanayokadiriwa kufikia Sh. bilioni 480 kabla ya kuongeza tozo ya asilimia 15 na kikwazo kikubwa katika kuwalipa stahili zao ni serikali kudai kuwa bado wanahakiki wafanyakazi hewa na vyeti,” alisema. Hata hivyo, alisema Baraza la Taifa linaungana na serikali katika hatua zilizochukuliwa za kuhakiki vyeti na wafanyakazi hewa. “Isipokuwa linatambua kuwa kazi hii imeingia mwezi wa saba mpaka sasa na Baraza linatoa rai kuwa uhakiki huo usitumiwe kama njia ya kuzuia kulipa madeni ya walimu,” alisema.

Read More

24th January 2017 16:49:30 ORODHA YA VYUO VILIVYO RUHUSIWA KUDAHIRI WANAFUNZI KWA KIPINDI CHA MARCH / APRIL, 2017 KWA MWAKA WA MASOMO 2016 / 2017

BARAZA LA TAIFA LA ELIMU YA UFUNDI (NACTE)

ORODHA YA VYUO VILIVYO RUHUSIWA KUDAHILI WANAFUNZI KWA KIPINDI CHA MARCH/APRIL, 2017 KWA MWAKA WA MASOMO 2017. BOFYA HAPA KUPATA ORODHA HIYO

Read More

CWT yapinga Waalimu kuvuliwa vyeo

Chama cha Waalimu nchini (CWT) kimepinga tabia ya wakuu wa Wilaya maeneo mbalimbali nchini kuwavua vyeo waalimu sababu ya matokeo mabovu ya kidato cha nne yaliyotangazwa Januari 31 mwaka huu. FikraPevu imepata taarifa kamili. Ezekieli Oluchi, Naibu Katibu Mkuu wa chama hicho amesema kitendo kilichofanywa na Hashium Mgandilwa, Mkuu wa wilaya ya Kigamboni kuagiza wakuu wa shule Kidete na Somangira kuvuliwa madaraka baada ya shule zao kushika mkia katika matokeo ya kidato cha nne ni kinyume cha sheria na anawashauri waalimu waandike malalamiko ili wamfikishe mahakamani. “Mamlaka ya nidhamu kwa waalimu ni tume ya utumishi wa waalimu sio mkuu wilaya, tumewasiliana na Katibu wa chama cha waalimu mkoa wa Dar es Salaam ili wahusika waandikiwe barua wafuate sheria” alisema Oluochi. Aliongeza “wahusika waliowashusha vyeo waalimu wakikataa kufuata sheria, waalimu husika wanapaswa kuandika barua kwa Mkurugenzi wa Halmashauri, nakala kwa chama cha waalimu ili sisi tuweze kumfikisha mhusika mahakamani, kama waalimu husika hawataandika barua za malalamiko hatuwezi kumfikisha mkuu wa wilaya mahakamani. Februari 1 mwaka huu Mkuu wa Wilaya ya Kigamboni alitoa tamko kufuatia shule sita za Dar es Salaam kuwa miongoni mwa shule kumi za mwisho katika matokeo ya kidato cha nne na aliagiza wakuu wa shule mbili zilizopo kwenye manispaa hiyo za Kidete na Somangira kuchukuliwa adhabu kali ikiwemo kuvuliwa madaraka. Mkuu huyo alisema hayo baada ya kuzitembelea shule hizo mbili na kufanya mazungumzo na wadau wa elimu wilayani humo. Alinukuliwa akisema “nini tufanye kwa hali hii, nilivyofanya kikao cha mimi pamoja na wakuu wa shule tulikubaliana kwamba kwa mkuu wa shule yeyote atakayefelisha kupitiliza tutamvua madaraka na atabaki hapa hapa,” Aliongeza, “Najua kuna viongozi wako hapa waliangalie hilo, hatuwezi kuendelea kulifurahia hilo wakati shule imekuwa ya mwisho kitaifa,” Hata hivyo mkuu huyo wa shule ya Kidete alidai shule yake haikuwa ya mwisho kitaifa bali ilikuwa kwenye orodha ya shule ya shule kumi za mwisho kitaifa. Akizungumzia suala la shule kuwa ya mwisho Oluochi, anasema ‘tusihangaike shule ipi imekuwa ya mwisho, maana hata wakipangwa waliopata daraja la kwanza, nako wa mwisho yupo, tuangalie ufaulu kwa ujumla na sababu za kushuka ufaulu kwa shule za serikali sababu zipo wazi”.

Read More

Kikongwe wa miaka 75 ajiunga darasa la kwanza

Kikongwe wa miaka 75 ajiunga darasa la kwanza Friday, February 03, 2017 NYAMOHANGA Suguta (75) mkazi wa Kitongoji cha Kibeyo Kijiji cha Getenga Kata ya Mbogi wilayani Tarime, amejiunga na darasa la kwanza mwaka huu katika shule mpya ya msingi ya Makerero baada ya kuamua kusoma. Mwalimu Mkuu wa Shule hiyo, Riziki Focus, alisema mwanafunzi huyo amejiunga na darasa la kwanza kutokana na kufanya vizuri katika darasa la utayari kwa masomo yake ya kazi za mikono, hesabu na mwandiko. Akizungumza katika uzinduzi wa shule hiyo juzi, Focus alisema mwanafunzi huyo aliandikishwa darasa hilo mwaka huu katika Mpango wa Elimu ya Msingi kwa Watoto Walioikosa (Memkwa). “Mzee huyu alianza mwaka jana kwa kusoma darasa la awali na alifanya vema masomo yake ya darasa hilo. “Tumeamua kumwandikisha darasa la kwanza katika mpango wa Memkwa na anahudhuria vizuri shuleni hapa kila siku tena kwa bidii sana,” alisema. Shule ya Msingi Makerero ilifunguliwa Februari mosi mwaka huu na Kaimu Ofisa Elimu Msingi, Tumaini Musoma kwa niaba ya Mkurugenzi wa Halmashauri ya Wilaya ya Tarime, Apoo Tindwa. Ilianzishwa Desemba 30, mwaka jana ikiwa na mwalimu mmoja wa darasa la kwanza na mmoja wa darasa la utayari. Hivi sasa ina wanafunzi 66 wa darasa la kwanza akiwamo Suguta wakati wa awali wakiwa 46. Naye Mwalimu Magreth Albinus ambaye alimfundisha Suguta darasa la awali, alisema kufanya vizuri kwa kikongwe huyo kunatokana na kujituma na nia yake ya dhati ya kutaka kujua kusoma na kuandika. “Mzee huyo alijiunga na elimu ya awalii mwaka jana na kuendelea muda wote kuhudhuria masomo na kila kazi za shuleni. “Awali nilimuonea aibu lakini kila nilipokuwa nikimuelekeza anatekeleza maagizo yangu hivyo nilimteua kuwa kiranja kusimamia wenzake, alifanya vizuri,” alisema Magreth. Akielezea uamuzi wake wa kujiunga na shule, Suguta alisema kufanya hivyo baada ya kuvutiwa na elimu. Suguta alisema aliwahi kusoma na kukomea darasa la pili mwaka 1950 kutokana na kukumbwa na mazingira magumu na kulazimishwa kuchunga mifugo na kulima na familia yake. Alisema aliona ajiunge na elimu ya msingi ikiwa ni kutimiza malengo yake ya kupata elimu na kuhitimu na amekuwa na kiu kubwa ya kujua hesabu na kuandika Kiswahili na Kiingereza ambavyo vitamfaa kwa shughuli zake za kila siku. Diwani Kata ya Mbogi, Ezekiel Matiko (Chadema) alisema shule hiyo ilijengwa kwa nguvu za wananchi pamoja na mchango wa mabati na saruji mifuko 20 na madawati 20 kutoka halmashauri. Aliomba waongezwe walimu wengine watatu ili iwe na walimu wanne na watakaokidhi masomo na kuongeza ufaulu kwa wanafunzi wake.

Read More

Walioongoza kidato cha nne wavutiwa na Obama, Trump

Walioongoza kidato cha nne wavutiwa na Obama, Trump Friday, February 03, 2017 MKUU wa Mkoa wa Dar es Salaam, Paul Makonda amejitoa mhanga kwa kuagiza kuswekwa ndani kwa askari Polisi zaidi ya tisa wa mkoa huo pamoja na kuwataka wasanii maarufu nchini akiwamo aliyewahi kuwa Miss Tanzania, Wema Sepetu kujisalimisha Kituo Kikuu cha Polisi, akiwatuhumu kujihusisha na biashara ya dawa za kulevya. Mbali na Wema ambaye alikuwa Miss Tanzania 2006 na kwa sasa ni mwigizaji maarufu, Makonda akawataka wasanii wengine maarufu kujisalimisha leo katika Kituo Kikuu cha Polisi jijini Dar es Salaam, wakiwemo Khaleed Mohamed (TID), Winfrida Josephat (Recho), Khery Sameer (Mr Blue), Hamidu Chambuso (Dogo Hamidu) na Rashid Makwiro (Chid Benz). Makonda anakuwa kiongozi wa kwanza nchini kujitokeza hadharani na kutaja wahusika au watuhumiwa wa biashara ya dawa za kulevya kwa majina, baada ya miaka mingi wanasiasa kuishia kueleza kuwa wanayo majina ya watu wanaojihusisha na biashara hiyo haramu yenye fedha nyingi. Katika mkutano wake na waandishi wa habari jana, Makonda aliwataja askari hao kwa jina moja moja ambao ni Swai, Neri, Willy, Mkomeo wote wa Kituo cha Polisi Oysterbay, aliyekuwa Kamanda wa Polisi Mkoa wa Kinondoni, Christopher Fuime, Inspekta Fadhil wa Kinondoni, Steven wa Kinondoni, James wa Kinondoni, CP Dotto wa Kituo cha Kijitonyama na WP Glory wa Kituo cha Kawe. Mkuu wa mkoa huyo pia amewataka wamiliki wenye leseni za kuendesha sehemu za starehe ambazo zinasadikika kujihusisha na uuzaji wa dawa hizo, kujisalimisha leo saa tano katika Kituo Kikuu cha Polisi wakiwemo wamiliki wa George Dragon, Element na Cuba Bar. Makonda ambaye kabla ya uteuzi wake aliwahi kuwa Mkuu wa Wilaya ya Kinondoni, aliwaambia waandishi wa habari kwamba amefikia hatua hiyo baada ya kufanya msako wa kuwakamata wahusika wa dawa za kulevya katika mkoa huo na baadhi ya wananchi kuwataja askari hao kuwa wanahusika kuwaficha wauzaji wa dawa hizo. Alisema baada ya msako, wananchi walikuwa wanawataja wahusika wa dawa hizo, lakini polisi hawawajui ndipo alipopata taarifa kuwa wanashirikiana na wafanyabiashara wa dawa za kulevya, jambo linalofanya kushindwa kutokomeza dawa hizo katika mkoa huo. “Kwa mamlaka niliyonayo nataka wakamatwe kama wapo ndani ya mkoa au nje waletwe na wawekwe mahabusu pale Central, watoe maelezo kwa nini wananchi wanawataja, kuna wengine wanatajwa kuwapigia simu wahusika wakati wakienda kuwakamata na wanatumiwa hela kupitia simu zao, hizi ni tuhuma na wao wana nafasi ya kujieleza,” alisema Makonda. Aidha, Makonda aliwataja baadhi ya watu wanaosadikika kuwa ni wafanyabiashara wa dawa hizo ambao tayari wameshakamatwa akiwemo Ahmed Ngahemela (Pettit man), Said Lina maarufu kama Alteza, Nassoro Nassoro, Bakari Khelef pamoja na Omary. “Wapo wengi, lakini hawa ndio tayari tumewakamata na wengine wamekutwa na dawa hizo, tunaendelea na msako ambao nitauendesha mimi mwenyewe nikishirikiana na viongozi wa Kamati ya Ulinzi na Usalama, lengo ni kuhakikisha biashara ya dawa za kulevya katika mkoa huu inatokomezwa,” alifafanua Makonda. Makonda pia ametoa siku saba kutokomezwa kwa vijiwe na maeneo yote yanayojihusisha na uuzaji dawa za kulevya katika mkoa huo. “Mnafahamu nipo na Kamishna Sirro na kamati yake baada ya siku saba nitawaambia kama watashindwa kutokomeza dawa za kulevya Dar es Salaam maana yake wamekosa sifa za kuendelea kuwa askari katika mkoa wetu, kwa kuwa wameshindwa kuwafahamu wauzaji,” alibainisha Makonda. Naye Kamanda Sirro alisema atalizungumzia hilo kwa waandishi wa habari atakapokutana nao leo.

Read More

Darasa zima wapata ‘ziro’ isipokuwa moja

Darasa zima wapata ‘ziro’ isipokuwa moja Friday, February 03, 2017 Dar es Salaam. Uchache wa wanafunzi katika shule zenye wanafunzi chini ya 40, si kigezo pekee cha ufaulu baada ya baadhi zilizomo kwenye kundi hilo kufanya vibaya matokeo ya kidato cha nne yaliyotangazwa Jumanne na Baraza la Mitihani la Taifa (Necta). Katika kundi hilo lenye jumla ya shule 1,439, Sekondari ya Dodeani Technical ya Kaskazini Pemba iliyokuwa na watahiniwa sita, ni mmoja tu aliyepata daraja la nne huku wengine wakipata sifuri. Makoongwe ya Kusini Pemba iliyokuwa na watahiniwa 16 ni mmoja tu aliyepata daraja la nne na wengine wamepata sifuri. Tangu Serikali ilipoanza kutenga matokeo katika makundi mawili, lenye wanafunzi zaidi ya 40 na chini ya 40 shule hizo zimekuwa hazitajwi sana. Mbali ya Dodeani, Sekondari ya Mkotokuyana ya Lindi iliyokuwa na watahiniwa 21 ni wanne tu waliopata daraja la nne, huku wengine wakipata sifuri. Nyingine ni Sekondari ya Sakami ya Dodoma iliyokuwa na watahiniwa 34 na kati yao ni sita tu waliopata daraja la nne. Sekondari ya Kweulasi ya mkoani Tanga iliyokuwa na watahiniwa 10 ni wawili tu walioambulia daraja la nne. Zilizofanya vyema Shule ya Sekondari ya Ahmes ya Pwani ndiyo kinara katika matokeo ya kidato cha nne kwa shule hizo zenye watahiniwa chini ya 40. Ahmes ilikuwa na watahiniwa 29 ambao 23 walipata daraja la kwanza huku sita wakipata daraja la pili. Haikupata daraja la tatu, nne wala sifuri. Katika matokeo ya mwaka 2015, shule hiyo ilikuwa ya saba katika kundi hilo. Shule ya pili ni seminari ya Mafinga, Iringa ambayo ilikuwa na watahiniwa 28, kati yao 26 wakiwa na daraja la kwanza, na wawili la pili. Mwaka 2015 ilikuwa imeshika nafasi ya sita. Seminari ya Rubya ya Kagera ambayo ilikuwa na watahiniwa 26 ilishika nafasi ya tatu, kwa wanafunzi 22 kupata daraja la kwanza na wawili daraja la pili. Mwaka 2015, ilishika nafasi ya nne katika kundi hilo. Shule zilizofuata ni Bethel Sabs Girls ya Iringa yenye watanihiwa 36 iliyoshika nafasi ya nne ikifuatiwa na Twibhoki ya Mara yenye watahiniwa 16, Musabe Boys ya Mwanza yenye watahiniwa 22 na Mugini ya Mwanza iliyokuwa na watahiniwa 15. Sekondari ya Rising Star ya Dar es Salam iliyokuwa na watahiniwa 33 imeshika nafasi ya nane, ikifuatiwa na Seminari ya St Joseph Kilocha ya Njombe iliyokuwa na watahiniwa 38 na ya 10 ni St Marcus ya Mbeya iliyokuwa na watahiniwa 30.

Read More

Vyuo Vikuu Vyaaagizwa Kutotoza Ada Kwa Fedha Za Kigeni Kwa Watanzania

Vyuo Vikuu Vyaaagizwa Kutotoza Ada Kwa Fedha Za Kigeni Kwa Watanzania Wednesday, February 01, 2017 Vyuo Vikuu hapa Nchini vimeagizwa kuacha mara moja kutoza ada kwa fedha za kigeni kwa wanafunzi ambao ni watanzania. Agizo hilo limetolewa leo Bungeni, Mjini Dodoma na Naibu Waziri wa Elimu, Sayansi na Teknolojia Mhandisi Stella Manyanya alipokuwa akijibu swali lililoulizwa na Mbunge Jaku Hashimu Ayoub kwamba kumekuwa na malalamiko ya wanafunzi wa Elimu ya Juu Tanzania ambao ni wazawa kulipishwa ada ya masomo yao kwa fedha za kigeni badala ya fedha za Kitanzania. “Sarafu inayotakiwa kutumika Tanzania ni shilingi ya Kitanzania kwa mujibu wa kifungu cha 25 na 26 cha Sheria ya Benki Kuu ya Tanzania (BOT) ya mwaka 2006. Aidha, kwa Tanzania malipo ya kitu au huduma yoyote inapaswa kulipwa kwa shilingi ya Kitanzania kama ilivyoainishwa kwenye kifungu cha 28 cha Sheria ya Benki Kuu ya Tanzania, 2006,” alifafanua Mhandisi Manyanya. Aliendelea kwa kusema kuwa japo Wizara haijapokea malalamiko yoyote ya kutozwa fedha za kigeni kwa wanafunzi wa Elimu ya Juu tangu itoe agizo kama hilo kwa wamiliki wa vyuo Septemba 07, 2016. Hivyo basi kwa mara nyingine Mhandisi Manyanya ameviagiza vyuo ambavyo bado vinatoza wanafunzi Watanzania fedha za kigeni kuacha mara moja kwani vyuo hivyo vimeelekezwa kutoza wananchi wa Kitanzania kwa pesa ya Kitanzania. Aidha Mhandisi Manyanya amewataka watanzania kutoa taarifa Wizara ya Elimu, Sayansi na Teknolojia ikiwa kuna Chuo chochote kinachotoza ada kwa Watanzania kwa fedha za Kigeni ili hatua stahiki za kisheria zichukuliwe dhidi ya wahusika.

Read More

Zaidi ya wanafunzi 3685 Sikonge Tabora hawajui kusoma,kuandika na Kuhesabu

Zaidi ya wanafunzi elfu tatu mia sita themanini na tano katika shule za msingi za wilaya ya Sikonge mkoani Tabora hawajui kusoma, kuandika na kuhesabu ikiwa ni sawa na asilimia 9.7 ya wanafuzni wote wa darasa la kwanza hadi la saba wilayani humo. Uchunguzi uliofanywa na channel ten umebaini sababu zinazosababisha ni pamoja na Utoro, mimba za utotoni na shughuli za kilimo. Katika uchunguzi huu Channel ten imefanikiwa kuzungumza na baadhi ya walimu wa shule za msingi wilayani humu.. HILALI BITWAYE ni Afisa elimu wa shule za msingi wilayani sikonge anatoa msimamo wa kuhakikisha wanafunzi wanajua kusoma, kuandika na kuhesabu. Kwa kuliona hili AGGREY MWANRY ambaye ni mkuu wa mkoa wa TABORA anaeleza msimamo wa mkoa. Mbinu mbali mbali za ufundishaji ni muhimu kwa watoto hawa.

Read More

NECTA wamesema Ufaulu wa masomo haya bado upo chini ya Asilimia 50

Baraza la mitihani Tanzania – NECTA limetangaza matokeo ya kidato cha nne na maarifa uliofanyika novemba mwaka 2016 ambapo kiwango cha ufaulu kimeonekana kuongezeka kwa asilimia 2.44 kutoka asilimia 67.91 mwaka 2015 hadi 70.35 mwaka 2016 huku mkoa wa Dar es salaam ukishika nafasi za mwisho. Akizungumza na waandishi wa habari jijini Dar es salaam Katibu mtendaji NECTA Dk.Charles Msonde amesema Licha ya ufaulu wa jumla kuendelea kuimarika takwimu zinaonesha kuwa bado ufaulu wa masomo ya civics, history, physics,basic mathematics, commerce na book-keeping upo chini ya asilimia 50 huku idadi ya waliofaulu vizuri kuanzia daraja la kwanza hadi la tatu ikiwa asilimia 27.60 ya watahiniwa wote waliofanya mtihani huo. Dk.Msonde amezitaja shule zilizofanya vizuri zikiongozwa na feza ya wavulana Dsm,St.Francis Mbeya nafasi ya tatu ikishikwa na kaizirege juniour ya Kagera huku shule kumi za mwisho, sita zinatoka mkoa wa Dsm ikiwemo shule ya Kitonga na Nyeburu. Vyombo vya habari vilipata fursa ya kuzungumza na mwanafunzi aliyeshika nafasi ya kwanza kitaifa Alfred Shauri pamoja na mkurugenzi wa shule za Feza Tanzania Ibrahim Rashid. Kwa Mujibu wa NECTA watahiniwa 126 wamefutiwa matokeo yao kutokana na kubainika kufanya vitendo vya udanganyifu ambapo mmoja kati ya hao aliandika matusi katika karatasi yake ya majibu.

Read More

BREAKING NEWZ: Tazama Hapa Matokeo ya kidato cha nne 2016 na matokeo ya QT 2016

BREAKING NEWZ: Tazama Hapa Matokeo ya kidato cha nne 2016 na matokeo ya QT 2016 Tuesday, January 31, 2017 Image result for MATOKEO KIDATO CHA NNE 2016Leo January 31 2017 Baraza la mitihani Tanzania ‘NECTA’ limetangaza matokeo ya kidato cha nne ‘CSEE 2016’ na matokeo ya mtihani wa maarifa (QT) 2016 Kwa urahisi unaweza kuyaona matokeo ya kidato cha nne kwenye link iliyoandikwa ‘CSEE 2016’ >>>CSEE 2016 Unaweza pia kuyatazama matokeo ya matokeo ya mtihani wa maarifa (QT) 2016 >>>(QT) 2016 Send SMS to 15311 How to send SMS To get results: Write: matokeo*centre number*candidate number*exam type*exam year Example : matokeo*S1665*0041*k4*2014 matokeo*M0110*0003*qt*2014 To get rank: Write: rank*centre number*exam type*exam year Example : rank* S0101*k4*2014 Cost per SMS is Tshs 200/= This service is only available for Tigo, Vodacom and Zantel subscribers. http://necta.go.tz/csee_results

Read More

TAARIFA KWA UMMA

NACTEBARAZA LA TAIFA LA ELIMU YA UFUNDI(NACTE)TAARIFA KWA UMMAKUFUNGULIWA KWA MFUMO WA PAMOJA WA UDAHILI KWA KIPINDI CHA MACHI/APRILI, 2017 KWA MWAKA WA MASOMO 2016/2017 Baraza la Taifa la Elimu ya Ufundi (NACTE), linapenda kuutangazia Umma na wadau wote wa Elimu nchini, kuwa mfumo wa Udahili wa pamoja yaani “Online Central Admission System (CAS)”, umefunguliwa rasmi tarehe 23 Januari, 2017, saa 6 mchana, kwa kupokea maombi ya mwombaji katika kozi mbalimbali, ikiwemo ngazi ya,AstashahadanaStashahada kwa Kipindi cha Machi/April, 2017 kwa mwaka wa masomo 2016/2017.Namna ya Kufanya MaombiMaombi yote yafanyike kupitia Mfumo wa Udahili wa Pamoja (CAS) au kupitia chuoni ambapo mwombaji anapendelea kwenda kusoma, ambapo chuo kitamdahili mwanafunzi husika kwenye mfumo wa udahili kupitia“Institutional Panel”.Tanbihi:Waombaji wa kozi za Afya waliohitimu Astashahada (NTA Level 5), pia wataomba kwa utaratibu ulioelezwa hapo juu.Mwombaji wa Astashahada na Stashahada anaweza kuomba kwa ajili ya eneo moja au zaidi katika maeneo ya taaluma yafuatayo:1.Biashara, Utalii na Mipango, mfano; Uhasibu, Meneja Rasilimali Watu, Wanyama Pori, Mipango.2.Sayansi na Teknolojia Shirikishi, mfano; Kilimo, Uhandisi, Mifumo ya Mawasiliano, Usanifu Majengo, Mifugo.3.Afya na Sayansi Shirikishi, mfano; Uganga, Maabara, Ufamasia, Uuguzi.Sifa za muombaji1.Awe amehitimu kidato cha nne mwaka 2015 au kabla ya hapo.2.Awe na Astashahada ya mwaka 2016 au kabla ya hapo kwa wanaojiendeleza.3.Sifa kwa kozi mahsusi ziko kwenye mwongozo wa kozi(Guidebook) ulioko kwenye mfumo (CAS).Ada ya maombi ni kama ifuatavyo:1.Kwa eneo la Afya na Sayansi Shirikishi ada ya maombi ni Tshs 30,000/=.2.Kwa eneo moja kati ya maeneo mengine yaliyobaki, ada ni Tshs 20,000/=.3.Kwa zaidi ya eneo moja la taaluma, mfano; Afya pamoja na Biashara, ada ni Tshs 30,000/=, ambapo muombaji anaruhusiwa kuchagua maeneo yote.Mwisho wa kutuma maombi haya ni tarehe 06/03/2017.Muhimu:Hakutakuwa na muda wa nyongeza wa kufanya maombi. Hivyo waombaji wanashauriwa kuwa makini wakati wa kufanya maombi yao.Bonyeza hapa kufanya maombiImetolewa na: Baraza la Taifa la Elimu ya Ufundi23 Januari, 2017

Read More

Majaliwa aagiza uchunguzi kubaini shida ya elimu Mtwara

WAZIRI Mkuu, Kassim Majaliwa ameziagiza Wizara ya Elimu, Sayansi, Teknolojia na Mafunzo ya na Wizara ya Tawala za Mikoa na Serikali za Mitaa (Tamisemi) kwenda mkoani Mtwara na kufanya uchunguzi wa kina ii kubaini sababu za mkoa huo kushika mkia katika matokeo ya upimaji wa wanafunzi wa kidato cha pili. Majaliwa aliyekuwa mkoani Katavi kwa ziara maalumu alitoa agizo hilo muda mfupi kabla hajafungua rasmi duka la dawa lililojengwa katika Hospitali ya Manispaa ya Mpanda huku akiuliza “kwa nini Mtwara?” Alisema lazima zipo sababu za mkoa huo kufanya vibaya katika matokeo ya mtihani huo hivyo kuna ulazima wa wizara hizo mbili kwenda mkoani humo kufanya uchunguzi wa kina ili kuzibaini sababu hizo. “Haiwezekani kwa shule kumi nchini zilizoshika mkia kati ya hizo shule tisa zikitoka katika mkoa mmoja lazima kuna sababu ...naziagiza Wizara ya Elimu na Ufundi Stadi na Tamisemi kwenda mkoani Mtwara na kufanya uchunguzi wa kina ili ziweze kujua kuna nini ….kwa nini Mtwara,” alihoji Waziri Mkuu. Aliupongeza Mkoa wa Katavi kwa kushika nafasi ya pili kitaifa baada ya Mkoa wa Geita kwa kufanya vizuri katika matokeo ya Taifa wa kumaliza Elimu ya Msingi mwaka 2016 huku akiziagiza halmashauri nchini kupitia idara ya ukaguzi kuhakikisha shule na walimu wanakaguliwa mara kwa mara ili kuongeza ubora utoaji wa elimu. Awali, akisoma taarifa ya mkoa, Mkuu wa Mkoa wa Katavi, Raphael Muhuga alimweleza Waziri Mkuu kuwa kwa miaka kadhaa mkoa huo umekuwa ukishika nafasi ya kwanza nchini katika matokeo ya mtihani wa kitaifa wa kuhitimu Elimu ya Msingi nchini, na kwamba wamejipanga kuhakikisha mwaka huu wanarejea kilelen

Read More

Wizara ya elimu yasema haiusiki na ajira za ualimu

Wizara ya Elimu, Sayansi, Teknolojia na Ufundi imesema haihusiki na utoaji wa ajira za walimu nchini, isipokuwa inachokifanya ni uhakiki wa taarifa za walimu wenye sifa za kuajiriwa serikalini. Akizungumza na EATV leo, Naibu Waziri wa Elimu, Mhandisi Stella Manyanya amesema kuwa kwa sasa wizara hiyo inapitia taarifa (CV) za walimu waliohitimu ngazi ya Stashada na Stashahada, na baada ya hapo itazituma taarifa hizo katika Wizara ya Utumishi ambao ndiyo wanaohusika na kuajiri. Akizungumzia sababu za kuwatenga wahitimu wa ngazi ya cheti, Manyanya amesema uhitaji mkubwa uliopo kwa sasa ni kwa walimu wa sekondari hususani wa masomo ya Phisics, Hisabati, Chemistry na Biolojia, hivyo inawahitaji kwa haraka zaidi walimu hao huku akisema wahitimu wengine ambao siyo wa masomo hayo na ambao siyo kwa ajili ya kufundisha sekondari, wasubiri utaratibu wa wizara inayohusika na utumishi. "Siyo kwamba hatuhitaji walimu wa shule za msingi, lakini uhitaji mkubwa tulionao kwa sasa ni walimu wa sekondari, sisi hatuajiri, sisi tunafanya uhakiki, na sasa tunapitia CV za wahitimu waliotuma taarifa zao, tukishajiridhisha na wale ambao taarifa zao ni sahihi na wana sifa tunazohitaji, tunazipeleka Utumishi, hao ndiyo wataajiri, halafu majina yatapelekwa TAMISEMI kwa ajili ya kupangiwa maeneo ya kazi" Amesema Manyanya Kuhusu idadi ya walimu wanaohitajika haraka, Manyanya amesema, wanahitajika walimu wengi kuliko idadi waliyoitoa mwanzo, na kuwataka wote waliotuma taarifa zao wawe na subira kwa kuwa mchako wa uhakiki bado unaendelea na majina yatatangazwa muda mfupi ujao ambao hautazidi kipindi cha miezi mitatu.

Read More